- E bentaha di mas importante
di tin un life coach, ta ku tin un orea pa skucha bo. Un hende ku tabiba i pensa ku bo i ta duna bo ‘feedback’ konstruktivo; - Ora bo tin ku enfrentá retonan grandi i bo no sa kon pa yega na un solushon, un Life Coach por ta di yudansa pa bo;
- Bo coach ta hasi preguntanan pa yuda bo krea mas balansa den bo bida, dor di wak bo bida den su totalidat (salú, relashon, trabou, finansa, kresementu spiritual, rekreashon …ets;
- E ta stimulá bo konfiansa propio, dor ku bo ta bai traha pa halsa bo balor propio (self esteem);
- Bo ta bai kambia kerensia inútil ku for di bo infansia a imponé riba bo i ku ta stroba bo di logra e potensial ku bo ta poseé;
- Bo ta siña tuma desishon ora ku bo ta haña den situashon difísil;
- Ku un bon programa di coach bo ta gana bo sèn bèk, dor di invertí den bo mes.
(ROI- Return On Investment); - Lo bo ta mas konsiente di e bida ku bo ta hiba i lo skohe pa hasi kosnan di un manera diferente. Bo ta kibra ku patronchinan i lo bira doño di bo mes bida. Lo bo siña tuma e mando i kòntròl den bo mes man;
- Ku un bon programa di coach lo bo deskubrí tur e yabinan pa un bida eksitoso, un bida ku mas satisfakshon i haña mas konosementu.
Bo éksito no ta dependé di loke bo tin, sino pa loke bo ta hasi ku e medionan ku bo tin!
Kiko ta bo ròl komo kliente:
- Bo tin ku mira ‘Life Coaching’ komo un invershon balioso den bo mes i riba término largu bo
ke logra kambio; - Bo ke logra algun meta i ke keda fiha riba esaki;
- Bo ta dispuesto na pone fin òf kambia bo komportashon no deseá;
- Bo ta habrí pa desafio nobo i ta dispuesto pa bandoná bo zona konfortabel;
- Bo ta sinsero i ke traha aktivamente riba e tareanan ku bo haña komo enkargo;
- Bo ta responsabel pa bo mes bida i eskohonan ku bo hasi i ta konsiente ku abo ta e úniko ku por
kambia bo bida; - Abo ta disidí e área ku bo ta deseá pa haña yudansa;
- Bo ta prepará adelantá pa kada sekshon di coach.
Kiko ta mi ròl komo coach:
Mi ròl ta komplementario.
- Mi lo yuda bo formulá bo metanan i wak pa bo keda traha dirigí, ku motivashon pa bo alkansá e
metanan ei; - Mi lo yuda bo identifiká i trata tur opstákulo ku ta blòkia bo kaminda pa yega na éksito;
- Mi ta trata ku konfidensia tur loke bo a partisipá na mi ;
- Mi lo yuda bo aklará bo meta i balornan, duna bo tarea i medionan nesesario, pa asina bo keda
traha dirigí riba e resultado; - Mi ta laga bo den bo balor, respetá bo i lo mi no imponé mi konvikshon ni opinion riba bo;
- Mi lo pone bo den posishon, kaminda ku konfiansa propio bo mes por hasi tur kos i lo mi trata pa bo mes haña e solushon.