Komo ‘Life Coach’ mi ta trata e siguiente áreanan:
Area personal:
Si bo kier logra máksimo resultado, dirigí riba bo nesesidat i deseonan spesífiko riba término
korto, e ora ei coach pa e área personal, ta bon pa bo. Esaki ta un guia individual pa avansá bo efektividat personal i pa logra bo metanan proyektá.
– Bo ta haña bista den bo kualidatnan personal;
– Bo ta haña bista den e estorbonan personal (pensamentu negativo, sentimentu i komportashon) ku ta blòkia bo adelanto;
– Bo ta siña kon pa formulá bo metanan di un manera konkreto pa asina por realisá esakinan.
Area di Trabou
Si bo no ta satisfecho ku e situashon aktual di trabou; si bo kier solisitá pa un otro trabou òf si bo ta kla pa un reto nobo, coach pa e área di trabou por ta di aplikashon pa bo. Lo mi evaluá segun bo eksperensha i kualidat, si e funshon aktual òf esun ku bo ke solisitá p’e, ta esun adekuá pa bo.
Asertividat (outo-afirmashon)
– Bo tin difikultat pa sali pa bo mes opinion, derecho i punto di bista òf tin problema pa bisa ‘nò’?
– Bo ta para tur biaha kla pa yuda tur hende, miéntras ku bo mes kosnan ta keda para sin kaba?
– Bo no tin e sentido di seguridat?
Durante di coach pa outo afirmashon lo mi siñabo kon trata ku otro hende den relashon, na trabou, na skol i otro situashon sosial. Bo ta bai paga tinu spesialmente riba bo lenguahe di kurpa, bo ta siña kon pa bisa nò i papia ku konvikshon na otronan.
Finansa
Ku coach pa e área di finansa, lo mi siña bo trata konsientemente ku bo entradanan. E intenshon ta, pa bo haña un bista den bo finansa i kontrolá esaki, pa asina bo biba sin debe.
Maneho di tempu
Si bo tin hopi kos pa hasi riba un dia òf den un siman i despues bo ta realisá ku bo por a hasi
solamente mitar di esaki i e patronchi akí ta sigui ripití ; e ora ei ta sabí si bo skohe pa ‘Coach pa maneho di tempu’. Lo mi analisá bo situashon aktual i pone esaki riba papel. Asina ei bo por mira unda mayoria di bo tempu ta bai. Bo ta bai siña kambia bo komportashon i kustumber, pa den futuro bo pèrdè ménos tempu i sobra mas tempu liber.
Strès
Coach pa strès ta aplikabel pa tenshon di largu tempu òf pa tenshon fuerte ku ta aparesé diripiente, di manera ku bo no ta e mesun persona mas. Konstantemente bo ta físikamente i
mentalmente kansá. Kousa di strès ta diferente serka kada persona. Ta pa e motibu akí bo ta haña un aserkamentu personal.
Kasonan ku por trata ta: kambio di patronchi di pensamentu i komportashon, kon pa bira konsiente pa bo sinti mihó, relahamentu, kambio den manera di bibá, reflekshon, komunikashon efektivo i pa ser asertivo.
Relashon
Si e relashon ku bo kasá òf ku bo partner no ta bai bon, bo por konsiderá ‘coach pa área di relashon’ pa mehorá esaki. E manera ku partnernan ta komuniká, òf no ta komuniká ku otro ta masha importante. Pa e motibu ei, mi ta duna bo informashon konkreto, ku kua bo por traha kuné. Lo bo bin sa kiko bo por kambia, kon i kiko bo por mehorá na bienestar di bo relashon.
Area Spiritual
Nos lo bai mira e posibilidat ku Dios a duna nos pa kuminsá un bida nobo segun Su plan, si pa
medio di fe nos aseptá Kristu Hesus den nos kurason komo nos Salbador personal. Dios tin un plan fantástiko pa nos bida, ta p’esei El a duna nos bida.
Otro temanan ku nos por trata bou di ‘Coach pa e área spiritual’ ta:
– Aseptashon propio
– E arte pa pordoná, sí bo no por pordoná otro pa loke ku nan a hasi ku bo
– Bo kresementu spiritual
– Si bo ta pensa ku bo bida ta sin speransa
– Kon pa trata ku rabia … etc.
